Nehemiah 10
1 ▼▼KJV:Neh.9.38
וּבְכָל־זֹאת אֲנַחְנוּ כֹּרְתִים אֲמָנָה וְכֹתְבִים וְעַל הֶֽחָתוּם שָׂרֵינוּ לְוִיֵּנוּ כֹּהֲנֵֽינוּ׃ 2 ▼▼KJV:Neh.10.1
וְעַל הַחֲתוּמִים נְחֶמְיָה הַתִּרְשָׁתָא בֶּן־חֲכַלְיָה וְצִדְקִיָּֽה׃ 3 ▼▼KJV:Neh.10.2
שְׂרָיָה עֲזַרְיָה יִרְמְיָֽה׃ 4 ▼▼KJV:Neh.10.3
פַּשְׁחוּר אֲמַרְיָה מַלְכִּיָּֽה׃ 5 ▼▼KJV:Neh.10.4
חַטּוּשׁ שְׁבַנְיָה מַלּֽוּךְ׃ 6 ▼▼KJV:Neh.10.5
חָרִם מְרֵמוֹת עֹֽבַדְיָֽה׃ 7 ▼▼KJV:Neh.10.6
דָּנִיֵּאל גִּנְּתוֹן בָּרֽוּךְ׃ 8 ▼▼KJV:Neh.10.7
מְשֻׁלָּם אֲבִיָּה מִיָּמִֽן׃ 9 ▼▼KJV:Neh.10.8
מַֽעַזְיָה בִלְגַּי שְׁמַֽעְיָה אֵלֶּה הַכֹּהֲנִֽים׃ ס 10 ▼▼KJV:Neh.10.9
וְֽהַלְוִיִּם וְיֵשׁוּעַ בֶּן־אֲזַנְיָה בִּנּוּי מִבְּנֵי חֵנָדָד קַדְמִיאֵֽל׃ 11 ▼▼KJV:Neh.10.10
וַאֲחֵיהֶם שְׁבַנְיָה הֽוֹדִיָּה קְלִיטָא פְּלָאיָה חָנָֽן׃ 12 ▼▼KJV:Neh.10.11
מִיכָא רְחוֹב חֲשַׁבְיָֽה׃ 13 ▼▼KJV:Neh.10.12
זַכּוּר שֵׁרֵֽבְיָה שְׁבַנְיָֽה׃ 14 ▼▼KJV:Neh.10.13
הוֹדִיָּה בָנִי בְּנִֽינוּ׃ ס 15 ▼▼KJV:Neh.10.14
רָאשֵׁי הָעָם פַּרְעֹשׁ פַּחַת מוֹאָב עֵילָם זַתּוּא בָּנִֽי׃ 16 ▼▼KJV:Neh.10.15
בֻּנִּי עַזְגָּד בֵּבָֽי׃ 17 ▼▼KJV:Neh.10.16
אֲדֹנִיָּה בִגְוַי עָדִֽין׃ 18 ▼▼KJV:Neh.10.17
אָטֵר חִזְקִיָּה עַזּֽוּר׃ 19 ▼▼KJV:Neh.10.18
הוֹדִיָּה חָשֻׁם בֵּצָֽי׃ 20 ▼▼KJV:Neh.10.19
חָרִיף עֲנָתוֹת נובי ▼▼
׃ 21 ▼ נובי
נֵיבָֽי
(Qere)
▼KJV:Neh.10.20
מַגְפִּיעָשׁ מְשֻׁלָּם חֵזִֽיר׃ 22 ▼▼KJV:Neh.10.21
מְשֵׁיזַבְאֵל צָדוֹק יַדּֽוּעַ׃ 23 ▼▼KJV:Neh.10.22
פְּלַטְיָה חָנָן עֲנָיָֽה׃ 24 ▼▼KJV:Neh.10.23
הוֹשֵׁעַ חֲנַנְיָה חַשּֽׁוּב׃ 25 ▼▼KJV:Neh.10.24
הַלּוֹחֵשׁ פִּלְחָא שׁוֹבֵֽק׃ 26 ▼▼KJV:Neh.10.25
רְחוּם חֲשַׁבְנָה מַעֲשֵׂיָֽה׃ 27 ▼▼KJV:Neh.10.26
וַאֲחִיָּה חָנָן עָנָֽן׃ 28 ▼▼KJV:Neh.10.27
מַלּוּךְ חָרִם בַּעֲנָֽה׃ 29 ▼▼KJV:Neh.10.28
וּשְׁאָר הָעָם הַכֹּהֲנִים הַלְוִיִּם הַשּׁוֹעֲרִים הַמְשֹׁרְרִים הַנְּתִינִים וְֽכָל־הַנִּבְדָּל מֵעַמֵּי הָאֲרָצוֹת אֶל־תּוֹרַת הָאֱלֹהִים נְשֵׁיהֶם בְּנֵיהֶם וּבְנֹתֵיהֶם כֹּל יוֹדֵעַ מֵבִֽין׃ 30 ▼▼KJV:Neh.10.29
מַחֲזִיקִים עַל־אֲחֵיהֶם אַדִּירֵיהֶם וּבָאִים בְּאָלָה וּבִשְׁבוּעָה לָלֶכֶת בְּתוֹרַת הָאֱלֹהִים אֲשֶׁר נִתְּנָה בְּיַד מֹשֶׁה עֶֽבֶד־הָֽאֱלֹהִים וְלִשְׁמוֹר וְלַעֲשׂוֹת אֶת־כָּל־מִצְוֺת יְהוָה אֲדֹנֵינוּ וּמִשְׁפָּטָיו וְחֻקָּֽיו׃ 31 ▼▼KJV:Neh.10.30
וַאֲשֶׁר לֹא־נִתֵּן בְּנֹתֵינוּ לְעַמֵּי הָאָרֶץ וְאֶת־בְּנֹתֵיהֶם לֹא נִקַּח לְבָנֵֽינוּ׃ 32 ▼▼KJV:Neh.10.31
וְעַמֵּי הָאָרֶץ הַֽמְבִיאִים אֶת־הַמַּקָּחוֹת וְכָל־שֶׁבֶר בְּיוֹם הַשַּׁבָּת לִמְכּוֹר לֹא־נִקַּח מֵהֶם בַּשַּׁבָּת וּבְיוֹם קֹדֶשׁ וְנִטֹּשׁ אֶת־הַשָּׁנָה הַשְּׁבִיעִית וּמַשָּׁא כָל־יָֽד׃ 33 ▼▼KJV:Neh.10.32
וְהֶעֱמַדְנוּ עָלֵינוּ מִצְוֺת לָתֵת עָלֵינוּ שְׁלִשִׁית הַשֶּׁקֶל בַּשָּׁנָה לַעֲבֹדַת בֵּית אֱלֹהֵֽינוּ׃ 34 ▼▼KJV:Neh.10.33
לְלֶחֶם הַֽמַּעֲרֶכֶת וּמִנְחַת הַתָּמִיד וּלְעוֹלַת הַתָּמִיד הַשַּׁבָּתוֹת הֶחֳדָשִׁים לַמּוֹעֲדִים וְלַקֳּדָשִׁים וְלַחַטָּאוֹת לְכַפֵּר עַל־יִשְׂרָאֵל וְכֹל מְלֶאכֶת בֵּית־אֱלֹהֵֽינוּ׃ ס 35 ▼▼KJV:Neh.10.34
וְהַגּוֹרָלוֹת הִפַּלְנוּ עַל־קֻרְבַּן הָעֵצִים הַכֹּהֲנִים הַלְוִיִּם וְהָעָם לְהָבִיא לְבֵית אֱלֹהֵינוּ לְבֵית־אֲבֹתֵינוּ לְעִתִּים מְזֻמָּנִים שָׁנָה בְשָׁנָה לְבַעֵר עַל־מִזְבַּח יְהוָה אֱלֹהֵינוּ כַּכָּתוּב בַּתּוֹרָֽה׃ 36 ▼▼KJV:Neh.10.35
וּלְהָבִיא אֶת־בִּכּוּרֵי אַדְמָתֵנוּ וּבִכּוּרֵי כָּל־פְּרִי כָל־עֵץ שָׁנָה בְשָׁנָה לְבֵית יְהוָֽה׃ 37 ▼▼KJV:Neh.10.36
וְאֶת־בְּכֹרוֹת בָּנֵינוּ וּבְהֶמְתֵּינוּ כַּכָּתוּב בַּתּוֹרָה וְאֶת־בְּכוֹרֵי בְקָרֵינוּ וְצֹאנֵינוּ לְהָבִיא לְבֵית אֱלֹהֵינוּ לַכֹּהֲנִים הַמְשָׁרְתִים בְּבֵית אֱלֹהֵֽינוּ׃ 38 ▼▼KJV:Neh.10.37
וְאֶת־רֵאשִׁית עֲרִיסֹתֵינוּ וּתְרוּמֹתֵינוּ וּפְרִי כָל־עֵץ תִּירוֹשׁ וְיִצְהָר נָבִיא לַכֹּהֲנִים אֶל־לִשְׁכוֹת בֵּית־אֱלֹהֵינוּ וּמַעְשַׂר אַדְמָתֵנוּ לַלְוִיִּם וְהֵם הַלְוִיִּם הַֽמְעַשְּׂרִים בְּכֹל עָרֵי עֲבֹדָתֵֽנוּ׃ 39 ▼▼KJV:Neh.10.38
וְהָיָה הַכֹּהֵן בֶּֽן־אַהֲרֹן עִם־הַלְוִיִּם בַּעְשֵׂר הַלְוִיִּם וְהַלְוִיִּם יַעֲלוּ אֶת־מַעֲשַׂר הַֽמַּעֲשֵׂר לְבֵית אֱלֹהֵינוּ אֶל־הַלְּשָׁכוֹת לְבֵית הָאוֹצָֽר׃ 40 ▼▼KJV:Neh.10.39
כִּי אֶל־הַלְּשָׁכוֹת יָבִיאוּ בְנֵי־יִשְׂרָאֵל וּבְנֵי הַלֵּוִי אֶת־תְּרוּמַת הַדָּגָן הַתִּירוֹשׁ וְהַיִּצְהָר וְשָׁם כְּלֵי הַמִּקְדָּשׁ וְהַכֹּהֲנִים הַמְשָׁרְתִים וְהַשּׁוֹעֲרִים וְהַמְשֹׁרְרִים וְלֹא נַעֲזֹב אֶת־בֵּית אֱלֹהֵֽינוּ׃
Copyright information for
OHB